Home > ព័ត៌មានក្នុងប្រទេស > ទឹកជំនន់​ ដីបាក់សម្លាប់​មនុស្សជាង​២០០​នាក់​នៅ​កម្ពុជា

ទឹកជំនន់​ ដីបាក់សម្លាប់​មនុស្សជាង​២០០​នាក់​នៅ​កម្ពុជា

មន្ត្រី​អាជ្ញាធរ​ជាតិ​គ្រប់គ្រង​គ្រោះ​មហន្តរាយ​ឲ្យ​ដឹង​ថា​ មក​ត្រឹម​ថ្ងៃ១៣​តុលា​នេះ​ ទឹកជំនន់​ និង​ការ​បាក់ដី​បាន​សម្លាប់​មនុស្ស​២០៧​នាក់​នៅ​កម្ពុជា។​ មាន​ខេត្តក្រុង​ចំនួន​១៧​ត្រូវ​លិច​ទឹក​ជំនន់​ ហើយ​ខេត្ត​កំពង់​ធំ​ដែល​ជា​ចំណុច​កណ្តាល​ប្រទេស​កម្ពុជា​រង​គ្រោះ​ធ្ងន់ធ្ងរ​ជាង​គេ។

ទឹក​ជំនន់​លិច​ស្រែ​ និង​ភូមិករ​នានា​ ហើយ​ប្រជាជន​ធ្វើ​ដំណើរ​ទៅណា​មកណា​ដោយ​ជិះទូក។ ​នៅភូមិ ​អាទ ស៊ូ ​នេះ​ ​លោក​ញឹម វណ្ណដា​ អនុប្រធាន​អាជ្ញាធរ​ជាតិ​គ្រប់គ្រង​គ្រោះ​មហន្តរាយ​ និង​ឯក​អគ្គរាជទូត​ជប៉ុន​បាន​ដឹកនាំ​ការ​ចែក​អំណោយ​ និង​ថវិកា​ដល់​ជន​រងគ្រោះ​ជាង​១៨០០​គ្រួសារ។​ ភូមិ​នេះ​យក​ឈ្មោះ​តាម​បុគ្គលិក​ជាតិ​ជប៉ុន​ឈ្មោះ​Atsuhito ​Nakata​ ដែល​ស្លាប់​ក្នុង​ឆ្នាំ​១៩៩៣​ ពេល​អ៊ុនតាក់​រៀបចំ​ការ​បោះឆ្នោត​តាម​ប្រជាធិបតេយ្យ​ជា​លើក​ដំបូង​នៅ​កម្ពុជា។ ​មន្ត្រី​ជប៉ុន​និយាយ​ អំណោយ​នេះ​គឺ​ជា​កិត្តិយស​សម្រាប់ ​Atsuhito Nakata។

លោក​ញឹម វណ្ណដា​និយាយ​ថា​ អំណោយ​នេះ​ចែក​ជូន​ជន​រងគ្រោះ​១៨០០​គ្រួសារ។

«ថ្ងៃនេះ​១៨០០​គ្រួសារ​ទទួល​អំណោយ​រាជរដ្ឋាភិបាល​ជប៉ុន។​ បើគិត​ជាលុយ​ស្មើនឹង​៣៣០០០០​ដុល្លារ​អាមេរិក»។

អំណោយ​នេះ​រួមមាន​មី៦៩​កេស​ ភួយ​ មុង ​គ្រឿង​បន្សុត​ទឹក​ និង​តង់សម្រាប់​សង់ជម្រក។អ្នកស្រុក​ខេត្ត​កំពង់ធំ​និយាយ​ថា ​គ្រោះ​ទឹកជំនន់​ឆ្នាំ​នេះ​ធ្ងន់ធ្ថរ​ណាស់។

ហេង​ សុឃាង​និយាយ​ថា​ «ទឹក​ហូរ​ឡើង​ពួយ។​ ធ្លាក់អស់​ ប៉ើងអស់។​ មាន់អីគ្មាន​សល់​ទេ​ ប៉ើងអស់​ ព្រោះ​វាហូរ​ណាស់​ពេក​នោះ»។

លោក​ឌួង ភៀត​បន្ថែម​ថា​ «ត្រូវការ​ស្បឿង​អាហារ។ ​ដូចថា ​ជាពិសេស​គោ ក្របី​… ជម្រកគោ ​ក្របី​ ព្រោះ​វា​ហាល​ភ្លៀង»។

អាជ្ញាធរជាតិ​គ្រប់គ្រង​គ្រោះ​មហន្តរាយ​ឲ្យ​ដឹង​ថា​ ទឹក​ជំនន់​បាន​បង្ខំ​ឲ្យ​ប្រជាជន​៣០​ម៉ឺន​គ្រួសារ​ចាកចោល​ផ្ទះ​សម្បែង។

ប្រែសម្រួល​ដោយ​ ពិន ស៊ីសុវណ្ណ  http://www.camnews.org

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: